Ц.Нямдорж: Намайг 17 байртай гэдэг худал. Төвд хүүхдүүд тус бүр нэг, зусланд бид гурав гурвуул нэг нэг байртай

Хууль зүй, дотоод хэргийн сайд Ц.Нямдорж төрсөн дүү Ц.Батсүхдээ Шүүхийн шийдвэр гүйцэтгэх ерөнхий газарын харьяа 127 метр кв бүхий таван өрөө орон сууцыг 13.7 сая төгрөгөөр хувьчилж өгсөн гэх мэдээллийн талаар Ц.Нямдорж сайд сэтгүүлчдэд тайлбар өглөө.

17 байр гэдэг огт худлаа. Хотын төвд хүүхдүүд тус бүр нэг байртай, зуслан дээр бид гурав гурвуулаа нэг нэг байртай

УИХ-ын гишүүн, ХЗДХ-ийн сайд Ц.Нямдорж:Намайг 17 байртай гээд манай хүүхдүүд, эхнэрийг, бурхан болсон хөгшчүүдийн хөрөнгийг хүртэл шалгасан. Тусгайд ажиллаж байсан хүмүүсийн одоо ажиллаж байгаа хүмүүсээрээ дамжуулан хийсэн гүйцэтгэх ажиллагаа. Миний жолоочийн утсыг хүртэл тагнасан явдал байгаа.

Posted by "Дээдсийн амьдрал" сонин on Friday, May 17, 2019

Тэрбээр “Шийдвэр гүйцэтгэх байгууллага өөрийн орлогоор байрууд барьдаг. 2008 оны Засгийн газрын шийдвэрээр ШШГЕГ-ын ажилтнуудад үнэгүй байр олгохоор болсон. Ингээд хөрөнгө босгох гэж заримыг нь зарсан.

Миний жолооч дүү байдаг. Тэр дүү маань 45 сая төгрөгөөр нэг байр авсан. Ийм л юм байгаа. Сүүлд нь АТГ-т шалгагдаад, бүх баримтуудыг нь холбогдох газруудад өгөөд хэргийг хаачихсан. 

13 сая гэдэг нь зориуд дүнг нь багасгаж, олон нийтийн дургүйцлийг хүргэх гэж хийж байгаа. 13 биш, 45 сая төгрөгөөр авсан. Хөдөөнөөс орж ирсэн дүүдээ байр худалдаж байхаар нь бусдад худалдсан үнээр нь авч өгсөн.

Намайг 17 байртай гээд манай хүүхдүүд, эхнэрийг, бурхан болсон хөгшчүүдийн хөрөнгийг хүртэл шалгасан. Тусгайд ажиллаж байсан хүмүүсийн одоо ажиллаж байгаа хүмүүсээрээ дамжуулан хийсэн гүйцэтгэх ажиллагаа. Миний жолоочийн утсыг хүртэл тагнасан явдал байгаа. 

17 байр гэдэг огт худлаа. Хотын төвд хүүхдүүд тус бүр нэг байртай, зуслан дээр бид гурав  гурвуулаа нэг нэг байртай” гэлээ.